...................... ಪರೀಕ್ಷೆ........................

ಮೊಟ್ಟ ಮೊದಲ ಬಾರಿಗೆ ನನ್ನ ಮಗ ತನ್ನ ಶಾಲೆಯಲ್ಲಿ ಘಟಕ ಪರೀಕ್ಷೆಯನ್ನು(unit test) ಬರೆಯಲು ತಯಾರಿ ನಡೆಸುತ್ತಿದ್ದಾನೆ...

ಅವನಿಗೆ ಪರೀಕ್ಷೆಯೆಂಬುದರ ಅರ್ಥವೂ ತಿಳಿದಿಲ್ಲ ಆದರೂ ಅವನು ಈ ಪರೀಕ್ಷೆಯನ್ನು ಎದುರಿಸಲೇಬೇಕು......... ತಟ್ಟೆಗೆ ಅನ್ನ ಸಾರು ಹಾಕಿಕೊಟ್ಟರೆ ಕಲಸಿಕೊಂಡು ತಿನ್ನಲು ಬಾರದ ಮಗುವಿಗೆ ಪರೀಕ್ಷೆ..... ಅವನಿಗೆ ಇಲ್ಲ ಆತಂಕ ಆದರೆ ನಮಗೆ ಬಲು ಆತಂಕ

ಪರೀಕ್ಷೆಯಲ್ಲಿ ಬರೆಯದೇ ಇದ್ದರೆ ಎಂದಲ್ಲ ಬರೆಯದೇ ಇದ್ದಾಗ ಅವನ teacher ಬಯ್ಯುತ್ತಾರಲ್ಲಾ, ಹೊಡೆಯುತ್ತಾರಲ್ಲಾ, ಎಂಬ ಆತಂಕ.... ಮುಖ ಸಪ್ಪಗೆ ಮಾಡಿಕೊಂಡು ಮಗ ಮನೆಗೆ ಬಂದರೆ ನೋಡಲು ಬಲು ಕಷ್ಟ........................

ನಾವು ಚಿಕ್ಕವರಿದ್ದಾಗ ಇದನ್ನೆಲ್ಲಾ ಎದುರಿಸಿಯೇ ಬಂದಿದ್ದೇವೆ... ಆದರೆ ನಮ್ಮ ತಂದೆ ತಾಯಿಯು ಇಷ್ತೇ ಆತಂಕ ಪಡುತ್ತಿದ್ದರಾ...............????

ಈ ಪ್ರಶ್ನೆಯನ್ನು ನನ್ನ ತಾಯಿಯ ಬಳಿ ಕೇಳಿದರೆ ಮನೆ ತುಂಬಾ ಮಕ್ಕಳು(ದೊಡ್ಡಪ್ಪ ಚಿಕ್ಕಪ್ಪನ ಮಕ್ಕಳು) ಅವರ ಮಧ್ಯೇ

ನೀವೂ ಬೆಳೆದಿರಿ ನೀವು ಏನು ಓದುತಿದ್ದೀರ....? ಏನು ಬರೆಯುತ್ತಿದ್ದೀರಾ....? ಎಂಬುದೇ ನನಗೆ ತಿಳಿಯುತ್ತಿರಲಿಲ್ಲ, ಒಂದು ದಿನವೂ ಓದಿ ಎಂದು ಹೇಳುತ್ತಿರಲಿಲ್ಲ, ದೊಡ್ಡವರ(ಅಣ್ಣ,ಅಕ್ಕ) ಜೊತೆ ಹೇಳಿಸಿಕೊಂಡು ನೀವೇ ಓದುತ್ತಿದ್ರೀ........ ಇನ್ನು ಘಟಕ ಪರೀಕ್ಷೆ, ಚಿಕ್ಕ ಪರೀಕ್ಷೆ, ದೊಡ್ಡ ಪರೀಕ್ಷೆ ಯಾವಾಗ, ಏನು, ಎಂಬುದು ನಮಗೆಲ್ಲಿ ಗೊತ್ತಿರುತ್ತಿತ್ತು..... ಒಂದತೂ ಗೊತ್ತು ಚಿಕ್ಕ ಪರೀಕ್ಷೆ ಮುಗಿದ ಮೇಲೆ ದಸರ ರಜ ದೊಡ್ಡ ಪರೀಕ್ಷೆ ಮುಗಿದ ಮೇಲೆ ಬೇಸಿಗೆ ರಜ ಅವಾಗ ನಿಮ್ಮನ್ನೆಲ್ಲಾ ಕರೆದುಕೊಂಡು ಅಜ್ಜಿ ಊರಿಗೆ ಹೋಗುವ ಸಡಗರ ಅದಕ್ಕೆ ಪರೀಕ್ಷೆ ಯಾವಾಗ ಮುಗಿಯುತ್ತೆ ಅಂತ ಕಾದು ಕುಳಿರುತಿದ್ದೆ ಹೊರತು ಯಾವ ಆತಂಕನೂ ಇರಲಿಲ್ಲ....

ಇದು ನಮ್ಮ ಬಾಲ್ಯ..... ಆದರೆ ಇಂದು ಮನೆಯಲ್ಲಿ ಒಂದೊಂದೆ ಮಗು... ಅಪ್ಪ ಅಮ್ಮ ಮಗು ಅಷ್ಡೆ ಇಷ್ಡೇ ಪ್ರಪಂಚ.....ಆಟ ಆಡಲೂ ನಾವೇ ಬೇಕು, ಪಾಠ ಓದಿಸಲೂ ನಾವೇ ಬೇಕು......